Kryenegociatori i Serbisë në dialogun me Kosovën, Petar Petkoviq i ka reaguar kryenegociatorit të Kosovës, Besnik Bislimi, i cili sot tha se janë 5 kritere përmes të cilave do të shihet se a është i pranueshëm si bazë për diskutim, drafti për Asociacionin që do të propozohet nga ekipi menaxhues.
Petkoviqi e ka quajtur këtë një gënjeshtër të pastër. Pasi që sipas tij Bislimi nuk e tha asnjë fjalë për këtë 5 kushte në Bruksel.
“Një gënjeshtër e pastër e Bislimit! Në Bruksel nuk u përmend asnjë fjalë për “pesë kriteret për Asociacionin” për të cilat ai flet sot. Atje folëm për Statutin e Asociacionit dhe Ekipin Menaxhues”, ka shkruar Petkoviq.
“Bislimi po i sajon sërish gjërat, duket se dëgjoi atë që donte, jo atë që thuhej!”, ka shkruar tutje Petkoviq.
Sipas tij Asociacioni mund të themelohet vetëm në përputhje me marrëveshjet nga 2013 dhe 2015.
Por cilat janë 5 kushtet e paraqitura sot nga Bislimi:
“E para është a kërkon ky draft, a sugjeron, a parasheh një shtresë të qeverisjes. Në rast se parasheh nuk konsiderohet si i pranueshëm për diskutim të mëtejmë”.
“Nën 2 a parasheh, a propozon të drejta kolektive. Nëse po e merr epitetin e një drafti të papranueshëm”.
“Në 3, në ç’masë është në harmoni me marrëveshjet e dakorduara më 2013 dhe 20115”.
“Në 4, në ç’masë është në harmoni me vendimin e Gjykatës Kushtetuese më 2015 dhe nën 5, ën ç’masë është në harmoni me letrat që Mogherini i ka dërgu Kosovës se çfarë kompetenca, çka mund të jetë e çka jo Asociacioni”, ka deklaruar Bislimi sot para Komisionit për Punë të Jashtme dhe Diasporë.
