Drejtori i së ashtuquajturës Zyrë për Kosovën në Qeverinë e Serbisë, Petar Petkoviq, ka theksuar se kryeministri i Kosovës, Albin Kurti, nuk është në gjendje të lejojë apo të mos lejojë diçka kur bëhet fjalë për Asociacionin e Komunave me shumicë serbe.
Kjo pasi sipas tij sepse kompetencat e saj dhe mënyra se si duhet të formohet janë të përcaktuara përmes katër marrëveshjeve të Brukselit nga viti 2013 dhe 2015 dhe se nuk ka vend për arbitraritet.
“Kurti ose nuk i ka lexuar dokumentet e nënshkruara në Bruksel, ose bën sikur nuk kupton se çfarë shkruhet në to”, thuhet në deklaratën e Petkoviqit, transmeton rts.
“Prandaj, Kurti nuk ka bazë të dalë me dëshirat dhe qëndrimet e tij arbitrare për këtë çështje – detyra e tij është të zbatojë atë që është nënshkruar, me kusht që fillimisht të mësojë se si quhen marrëveshjet, kur janë nënshkruar dhe çfarë thonë”, thekson Petkoviq.
Gjithçka tjetër, thekson ai “është vetëm një përpjekje për të penguar procesin e normalizimit të marrëdhënieve ndërmjet Beogradit dhe Prishtinës dhe se, siç vlerëson ai, nga gjithçka që thotë dhe bën Kurti del se ai nuk është aspak i interesuar për atë proces”.
“Qëllimi i tij i dukshëm është të përdorë dhunën dhe veprimet e njëanshme për të ndryshuar rrënjësisht situatën në terren dhe kështu ta bëjë të parëndësishme rrjedhën aktuale të dialogut për normalizimin. Por Kurti le ta mbajë mend mirë se ne kurrë nuk do ta lejojmë ta bëjë këtë! Prandaj. Me këtë rast i bëjmë thirrje edhe një herë komunitetit ndërkombëtar që ta frenojë pushtimin Gauleiter Kurti që të mos dëmtohet në mënyrë të pariparueshme stabiliteti i rajonit”, thekson Petkoviq në njoftim.