Drejtori i Zyrës për Kosovën në Qeverinë e Serbisë, Petar Petkoviq ka thënë se janë duke bërë gjithçka që të ruhet paqja.
Gjatë një konference për media ai ka shtuar se kjo nuk është e tëra në dorën e Serbisë, duke ftuar bashkësinë ndërkombëtare që “ta ndalojë kryeministrin Albin Kurti, ngasë nëse nuk ndodh kjo, nuk ka për çfarë të flitet”.
ADVERTISEMENT
“Krejt është prej Kurtit dhe kokës së tij të krisur dhe lëvizjeve të tij ku dëshiron që ta vë krejt rajonin në flakë. Synimi i tij është nisja e luftës, jo vetëm në veri por në tërë rajonin”, ka thënë Petkoviq, raporton Tanjug.
Petkoviq ka treguar në anën tjetër se Vuçiq do të bisedojë këtë të shtunë me zyrtarët amerikanë dhe evropianë.
