Shefi i së ashtuquajturës Zyrë për Kosovën në qeverinë e Serbisë, Petar Petkoviq, i ka reaguar ish-ministrit të Jashtëm të Serbisë, Vuk Jeremiq, i cili ka thënë se me marrëveshjen e fundit Serbia është pajtuar që Kosova të anëtarësohet në Këshillin e Evropës.
“Dhe ja ku është pasoja, thuhet shprehimisht se në bazë të kësaj Kosova anëtarësohet në Këshillin e Evropës. Nëse dhia gënjen, briri jo”, ka shkruar Jeremiq, teksa ka publikuar tekstin ku në kërkesën për pranimin e aplikimit të Kosovës në KiE, përmendet edhe marrëveshja e fundit Kosovë-Serbi.
I evo posledice, eksplicitno stoji da na osnovu toga Kosovo pristupa Savetu Evrope. Ako koza laže, rog ne laže. pic.twitter.com/DwSq8DkvNH
— Vuk Jeremić (@jeremic_vuk) April 26, 2023
Petkoviq i ka reaguar atij duke i thënë se Vuçiq nuk ka pranuar e as nënshkruar asgjë dhe kështu Jeremiq po e dëmton vendin e tij dhe ndihmon Kosovën.
“Përderisa Vuçiq mbron interesat e Serbisë dhe thotë qartë se nuk ka pranuar e as ka nënshkruar asgjë, Vuk Jeremiq po përpiqet që konceptet nga Brukseli dhe Ohri t’i bëjë dokumente ligjërisht të detyrueshme. Duke vepruar kështu, ai po dëmton vendin e tij dhe po ndihmon PR, por ne tashmë jemi mësuar me këtë kur ai i bëri Gjykatës Ndërkombëtare të Drejtësisë atë pyetjen e tmerrshme!”, ka shkruar Petkoviq.
Док Вучић чува интересе 🇷🇸 и јасно каже да ништа није ни прихватио ни потписао, Вук Јеремић покушава да концепте из Брисела и Охрида учини правно-обавезујућим документима. Тиме штети својој држави и помаже ПР, али на то смо већ навикли кад је пред МСП поставио оно ужасно питање! https://t.co/sxNgKA7BWT
— Петар Петковић (@PetkovicPetar) April 26, 2023
