Pavarësisht që procedurat e udhëzimit administrativ janë kryer nga ekzekutivit kosovar dhe ministria e Administrimit dhe Pushtetit Lokal ende në atë anë nuk është paraqitur asnjë iniciativë qytetare për peticion që do largonte kryetarët shqiptarë nga drejtimi i komunave veriore. Njohësit e çështjeve kushtetuese thonë se tashmë në dorë këtë gjë e kanë vetëm qytetarët atje.
Obligimet ligjore për largimin e kryetarëve në veri i ka përmbushur ekzekutivi.
Kështu tha një ditë më parë ministri i Administrimit dhe Pushtetit Lokal, Elbert Krasniqi, duke thënë se puna në vazhdim iu takon qytetarëve serb në atë anë.
Por deri në këtë periudhë, kryetari i Zubin Potokut Izmir Zeqiri, thotë se nuk ka ndonjë iniciativë e cila është lajmëruar.
Nga ana tjetër, profesori universitar Mazllum Baraliu thotë se është në vullnetin e qytetarëve serb largimi ose jo i kryetarëve.
Baraliu tregon se nëse nuk fillon peticioni në detyrë mbesin kryetarët aktual.
Kryetarët aktual të Mitrovicës së Veriut, Leposaviqit, Zveçanit dhe Zubin Potokut kanë fituar mandatet në zgjedhjet e mbajtura në prill të këtij viti, të cilat i kanë bojkotuar serbët.
