Organizata Studentore “Unioni Demokratik Student”, ka nisur peticion kundër largimit të emrit të Universitetit të Prishtinës “Hasan Prishtina”.
Këshilli Studentor në Fakultetin e Filologjisë ka ftuar studentët që të bashkohen në nismë dhe ta nënshkruajnë peticionin.
“Ftojmë studentët të na bashkohen duke nënshkruar peticionin kundër largimit të emrit të Universitetit “Hasan Prishtina“! Gjendemi në katin e dytë afër Dekanatit”, thuhet në njoftim.
Ndërrimi i emrit të UP-së është një propozim që e ka dhënë rektori i këtij universiteti, Qerim Qerimi. Sipas tij, arsyeja e ndërrimit është për shkak të ngatërrimit të emrit në arenën ndërkombëtare.
Për këtë propozim pati shumë reagime, madje për ta kundërshtuar, në fillim të muajit maj është zhvilluar një aksion simbolik para rektoratit. /teve1.info/
