Robin Haxhi Krasniqi ngre në ovacione të gjithë të pranishmit në ceremoninë e peshimit zyrtar para sfidës në stadiumin “Fadil Vokrri”.
Boksieri junikas kreu peshimin zyrtar para sfdiës për titullin WBC Silver në pesha gjysmë të rënda ndaj rivalit Nadjib Mohammedi. Boksieri Krasniqi peshonte 79.5KG, derisa kundërshtari i tij Mohammedi 79.7Kg para sfidës në “Fadil Vokrri” e cila do të zhvillohet të shtunën e 5 gushtit, në duelin që do të jetë me 10 raunde.
Në një prej hotelve me luksoz në vendin tonë, por edhe një numri të madh të pranishmëve mbështetja për boksierin Krasniqi ishte maksimale. Me grindën e tij ylli junikas ngriti edhe me tepër entuziazmin e të pranishmëve duke krijuar një atmosferë stadiumi brenda një hapësire në ambiente të mbyllura.
Krasniqi me sy shqiponje ishte më i qetë duke mos i trembur fare syre, ndryshe nga kundërshtari i tij Mohammedi që ishte me nervoz.
36-vjeçari shqiptar me pas dha edhe një mesazh. Ai bëri thirrje të jenë sa me shumë të pranishëm në përkrahje të tij, por edhe boksierëve të tjerë shqiptarë.
“Unë jam i gatshëm më shumë se kurrë dhe i bëjë ftesë kombit shqiptar që mundësinë e ka që të shtunën të mbrëmje të më mbështet nga afër në stadiumin ‘Fadil Vokrri’. Kështu që shihemi të shtunën në mbrëmje dhe jam i gatshëm më shumë se kurrë”, tha Krasniqi.
Për Krasniqin ky do të jetë meçi i tij i 60, derisa ka 52 fitore, me 20 prej tyre ne nokaut, krahas shtatë humbjeve, ndërsa kundërshtari i tij Mohammedi ka 45 meçe të fituara, ku ka humbur edhe 9 sfida të tjera.
Eventi në “Fadil Vokrri” do të nis nga ora 19. Pjesë e këtij spektakli janë edhe shtatë boksierë të tjerë shqiptarë, me Dielli Vranoci, Valon Ahmetin, Kushtrim Tahirukaj, Isuf Kelmendi, Bernardin Jakaj, James Kraft dhe Armend Xhoxaj.
Eventi do të transmetohet ekskluzivisht në Tëvë1 dhe Telkos me të meçet dhe me emisione të veçanta kushtuar një prej mbrëmjeve me të mëdha të boksit shqiptar.