Të shtënat e ushtarëve izraelitë në Rripin e Gazës kanë lënë të vrarë pesë palestinezë të mërkurën, përfshirë dy fëmijë, pavarësisht një armëpushimi në fuqi.
Viktimat e fundit, një djalë 13-vjeçar dhe një grua 32-vjeçare, u vranë nga të shtënat izraelite në lindje të Khan Younis në Gazën jugore, ka raportuar Al Jazeera. Tre persona të tjerë mbeten të plagosur sipas burimeve mjekësore.
Sulmet ndodhën jashtë të ashtuquajturës vijë e verdhë që përcakton territorin nën kontrollin ushtarak izraelit.
Ushtria izraelite pranoi se forcat e saj qëlluan dhe vranë një person në Rripin jugor të Gazës gjatë natës, duke pretenduar se individi kaloi një “vijë të kufizuar” dhe iu afrua ushtarëve, por pa ofruar ndonjë provë për pretendimet.
Më shumë se 480 palestinezë – përfshirë të paktën 169 fëmijë dhe 64 gra – janë vrarë që kur armëpushimi me Izraelin hyri në fuqi në tetor 2025, njofton Ministria e Shëndetësisë e Gazës.
Shumica prej tyre janë vrarë në sulmet e ushtrisë, ndërsa të tjerë kanë vdekur për shkak të kushteve të këqija të motit në Rripin e Gazës të shkatërruar nga lufta.
