Të paktën pesë persona kanë vdekur dhe dy janë të zhdukur pas një shpërthimi në një minierë në veri të Spanjës, thonë zyrtarët.
Shpërthimi ndodhi në minierën Cerredo në Degaña, Asturias, rreth 450 km (278 milje) në veri-perëndim të Madridit rreth orës 09:30 ora lokale.
Shërbimet lokale të urgjencës thanë se ata ishin thirrur për një “problem me një makinë” në minierë.
Të paktën katër të tjerë u plagosën dhe po punohet për gjetjen e punëtorëve të zhdukur. Në vendngjarje janë dërguar ambulancat, shërbimet e zjarrfikëses dhe shpëtimit.
Brigada e shpëtimit të minierave ka vendosur gjithashtu njësinë e saj të qenve.
Të plagosurit u dërguan në spitalet lokale për trajtim, raporton BBC.
Mediat lokale, duke cituar një zëdhënës asturian, raportuan se punëtorët kishin qenë në minierë nën një leje për të nxjerrë minerale për të prodhuar grafit.
Nuk dihet ende se sa persona ndodheshin në minierë në momentin e shpërthimit.
Presidenti i Asturias Adrián Barbón urdhëroi dy ditë zie në rajon.
