Pesë të plagosurit nga rasti i përleshjes së dy grupeve të armatosura Gashi dhe Sekiraqa po vazhdojnë trajtimin në Qendrën Klinike Universitare të Kosovës. Për njërin prej tyre, nga Klinika e Kardiokirurgjisë tregojnë që gjendjen e ka stabile derisa për të tjerët Klinika e Ortopedisë dhe ajo e Kirurgjisë nuk japin detaje. Njohësit e drejtësisë flasin për hapat tutje pas lirimit të tyre nga QKUK-ja dhe shkuarjen në paraburgim.
Pesë të plagosurit nga përleshja me armë e një shtatorit në Aktash po vazhdojnë trajtimin në Qendrën Klinike Universitare të Kosovës.
E televizioni mëson me burime se ekzaminimet përfundimtare për ta do të kryhen të premten.
Pastaj mjekët do të vendosin nëse të njëjtit kur mund të lirohen.
Për gjendjen e njërit prej tyre foli drejtori i Klinikës së Kardiokirurgjisë, Shpëtim Shurdhiqi.
“Gjendja e pacientit është stabile, vazhdimisht është nën përcjellje të mjekëve të klinikës”, tha Shurdhiqi.
E në Klinikën e Ortopedisë po trajtohen dy pacientët tjerë.
Pa përgjigje për gjendjen e dy pacientëve tjerë kanë qenë edhe Klinika e Kirurgjisë.
Kurse njohësi i drejtësisë, Anton Ndrecaj tregon se si shkon procedura pas lirimit të mjekëve.
Më tej Ndrecaj tregon se a mund të ketë rrezik nëse masa e paraburgimit ndryshohet në arrest shtëpiak.
Për pesë të përfshirët në përleshjen e armatosur në rrugën “Gazmend Zajmi”, u është caktuar masa e paraburgimit prej një muaj.
