Pesë persona kanë mbetur të lënduar në aksidentin mes një veture dhe një autobusi të premten në fshatin Slivovë të Ferizajt.
Kështu ka bërë të ditur për tëvë1.info zëdhënësi i policisë për rajonin e Ferizajt, Kanun Veseli i cili tha se katër prej të lënduarve janë dërguar në QKUK për tretman të metutjeshëm mjekësor.
Për këtë rast është njoftuar edhe prokurori kujdestar.
“Aksident trafiku me lëndime Me datën 17.10.2025 në ora 18:17 në rrugën magjistrale, fshatiSlivovë-Ferizaj Aksident trafiku me lëndime trupore ku ne kete aksident trafiku ishin te pefshira dy automjete : nje veture dhe nje auobus me targa vendore me shoferët M.SH.K. Veç dëmeve materiale lëndime trupore pësojnë shoferi i vetures dhe katër pasagjeret, te cilët pas tretmanit mjeksore ne emërgjencen e Ferizajt, katër persona dërgohen ne Q.K.U.K-Prishtine per tretman te metujeshem mjekesor. Per kete aksident eshte njotuar edhe prokurori kujdestar”, ka deklaruar Veseli.
Ndërkohë, Blerton Jakupi nga LDK-ja në Ferizaj ka thënë se pesë të lënduarit janë anëtarë të Komisionit Komunal Zgjedhor. Në Facebook të shtunën ka shkruar se një prej të lënduarve është në gjendje kome. /teve1.info/
