Pesë persona kanë mbetur të lënduar pas një aksidenti trafiku që ka ndodhur pasditen e sotme, rreth orës 16:20, në hyrje-daljen e autostradës “Arbën Xhaferi”, në hyrje të Lipjanit. Në aksident janë përfshirë dy automjete.
Lajmin e ka konfirmuar zëdhënësi i Policisë, Bajram Krasniqi, i cili bëri të ditur se të lënduarit kanë kërkuar ndihmë mjekësore.
Sipas tij, policia ka dalë në vendin e ngjarjes dhe është duke u marrë me procedurat hetimore për zbardhjen e rrethanave të aksidentit.
