Pesë persona janë arrestuar nga Policia e Kosovës në Malishevë, pasi janë kapur duke luajtur bixhoz brenda një lokali.
Sipas raportit 24-orësh të Policisë, rasti ka ndodhur mbrëmjen e së enjtes rreth orës 20:55.
“Gjatë kontrollit në një lokal, policia ka hasur disa persona duke luajtur lojëra të fatit. Në vendin e ngjarjes janë gjetur edhe aparate të lojërave të fatit”, thuhet në raportin e Policisë.
Me vendim të prokurorit, aparatet e lojërave të fatit janë sekuestruar, ndërsa pesë të dyshuarit janë arrestuar dhe dërguar në mbajtje.
