Sa e njohur jeni me këtë skenar: E takoni dikë, përshtateni, lidhja është duke ecur mirë, por pastaj, krejt papritmas, nuk shkon si më parë? Thjesht gjërat nuk vazhdojnë të funksionojnë më.
Partneri nuk është aq i dashur ose prezent si në fillim kur kishit rënë në dashuri me njëri-tjetrin.
Sipas Holly Parker, autore e If We’re Together, Why do I Feel So Alone?, ky është problem mjaft i zakonshëm, por kjo nuk do të thotë se nuk është e lehtë ta zbuloni.
Mungesa emocionale është paaftësia apo mungesa e gatishmërisë për të ndërtuar një lidhje emocionale me dikë. Siç mund ta imagjinoni, ky është një flamur i madh i kuq kur vjen puna te lidhjet e dashurisë.
“Rrugëtimi i përpjekjes për ta bërë për vete një partner me mungesë emocionale është tejet i vështirë, poshtërues dhe shkakton dhimbje”, tregon Dr. Parker, transmeton Telegrafi.
Sidoqoftë, çelësi për t’i rregulluar këto probleme me një partner me mungesë emocionale është ta kuptoni këtë gjë më herët dhe ta ndryshoni drejtimin…
Këto janë pesë mënyra të cilat do t’ju ndihmojnë ta dalloni një partner me mungesë emocionale.
Meshkujt me mungesë emocionale gjithmonë bëjnë çfarë duan vet
Ata i shmangin të gjitha llojet e emocioneve, i shmangin bisedat rreth ditëve të punës, pasigurive që i keni etj.
Gjithmonë kërkojnë faje, por një qëndrim negativ nuk zgjidhë asgjë.
Frikësohen t’ju tregojnë se kush janë në të vërtetë, pasi që ndonjëherë nuk është faji tek ju, por është tek ta.
Nuk kënaqet asnjëherë… Pra, nëse e ndjeni veten sikurse jeni duke dhuruar gjithmonë, por nuk përfitoni asgjë, atëherë mund të jeni duke dalë me një person që gjithmonë ka nevojë për më shumë (qoftë më shumë kohë, siguri apo çfarëdo qoftë) që ta mbush zbrazëtinë.
