Zaim Deliu shkon shpesh pranë lumit “Ibër”, por në këtë vend i ka kujtimet më të hidhura të jetës së tij.
Në valët e këtij lumi i biri i Zaim Deliut, Egzoni 13 vjeçar bashkë me dy shokët, Florent Veseli e Avni Veseli u hodhën në lum e nuk dolën të gjallë.
Babai i të ndjerit me emocione të shumta e kujton momentin kur u njoftua për vdekjen e Egzonit e dy të tjerëve.
Me të marrë lajmin, Deliu në një rrëfim për Tëvë1 i pari kishte mbërritur në vend të ngjarjes.
Atë kohë autoriteteve i ishin dashur rreth dy javë të gjenin trupin e fëmiut të tretë.
E ky thotë se tash e 18 vite drejtësia akoma nuk është vënë në vend.
Deliu mes emocionesh thotë se dhimbja do të ishte më e lehtë nëse do ishte arritur drejtësia.
E emrin e djalit që e humbën, Egzonit, familja Deliu ja kanë vënë nipit të tyre.
Gjatë trazirave të 17 e 18 marsit në vitin 2004 u vranë 19 civilë, prej të cilëve 11 shqiptarë e 8 serbë teksa u shkatërruan objekte fetare e kulturore.
Raporti i gazetares Valëza Sylejmani.
