E në këtë vit, Gazeta “Rilindja” shënon 79 vjetorin e themelimit të saj. Ish gazetari në këtë gazetë, Esad Dujaka rrëfen kohën dhe punën për 35 vite në gazetë. Ai rrëfen kohën më të vështirë si gazetar dhe kontributin e kësaj gazete në jetën e shqiptarëve të të gjithë anëve.
“Shtatëdhjetë e nëntë vjet Rilindja, shtatëdhjetë e vjet unë, që një rastësi”.
Me këtë buzëqeshje në fytyrë e me gazetën “RILINDJA” në duar ish gazetari i kësaj gazete, Esad Dujaka e nisë rrëfimin për 79 vjetorin e botimit të parë të gazetës shqipe.
E leximin e saj, e ka filluar që nga shkolla fillore si nxënës në Gjakovë.
Aty nisi edhe lidhja e tij emocionale me Rilindjen.
Për tridhjetë e pesë vite në Rilindje, ai kujton kushtet brenda këtij institucioni dhe periudhën më të vështirë të punës si gazetar.
79-vjeçari nuk ka harruar as ditën kur iu kërkua dalja nga “RILINDJA”.
Për Dujakën, kjo gazetë është një libër historik për të gjithë shqiptarët anë e mbanë.
Këtë vit, bëhen 79 vjet kur për herë të parë ishte shtypur gazeta në gjuhën shqipe “Rilindja”, e cila fillimisht kishte qenë e përjavshme.
Numri i parë i gazetës ishte shtypur më 12 shkurt 1945 në Prizren, ku pas numrit të 60-të, gazeta kishte filluar të shtypej në Prishtinë.
Rilindja krijoi revolucion në shoqërinë kosovare.
