Pavarësisht se sa shumë ju pëlqen të bartni bizhuteri, do të ishte një ide e mirë t’i hiqni ato para se të flini – ja përse
Vendimi për të filluar heqjen e të gjitha bizhuterive tuaja para se të shkoni të flini gjumë mund të sjellë përfitime të rëndësishme si në planin afatgjatë ashtu edhe në atë të shkurtër, siç është një gjumë më i mirë dhe lëkurë më të shëndetshme dhe më të bukur.
Përveç cilësisë më të mirë të gjumit, do t’ju ndihmojë të keni lëkurë më të bukur që është më pak e prirë ndaj infeksioneve dhe acarimeve. Duke e ditur këtë, mund të mendoni seriozisht të hiqni bizhuteritë tuaja përpara se të shkoni të flini gjumë në shtrat.
Unaza në dorën tuaj mund të shkaktojë ënjtje gjatë natës
Mbajtja e unazave gjatë gjumit mund të shkaktojë fryrje të gishtërinjve tuaj, veçanërisht nëse keni ngrënë diçka të kripur një natë më parë. Kjo, ndër të tjera, mund ta bëjë të vështirë heqjen e unazës të nesërmen në mëngjes dhe madje të shkaktojë dhimbje ose dëmtim të unazës, transmeton Telegrafi.
Fjetja me zinxhir në qarë mund të prishë gjumin
Lidhjet e vogla të zinxhirit mund të ngatërrohen lehtësisht me njëra-tjetrën ndërsa flini, madje ndonjëherë edhe në flokët tuaj, veçanërisht nëse keni flokë shumë të gjatë.
Lidhjet e ngatërruara të një zinxhiri rreth qafës mund t’ju irritojnë dhe t’ju shqetësojnë, dhe një zinxhir i ngatërruar në flokët tuaj mund të shkaktojë siklet dhe të prishë gjumin.
Heqja e zinxhirit para gjumit mund t’ju ndihmojë të flini më mirë, pa rrezikun e zgjimit për shkak të prishjes ose thyerjes së zinxhirit.
Bizhuteritë mund të irritojnë lëkurën
Një nga problemet më të mëdha që mund të shkaktojë ky zakon i keq është acarimi i lëkurës, veçanërisht te njerëzit me lëkurë të ndjeshme ose te ata që vuajnë nga alergjitë ndaj metaleve.
Fërkimi i vazhdueshëm i bizhuterive në lëkurë mund të shkaktojë kruajtje, skuqje ose puçrra në lëkurë.
Stolitë e veshit mund të shtrihen
Fjetja me vathë, sado të mëdha apo të vegjël qofshin ata, krijon presion të vazhdueshëm në llapët e veshit. Me kalimin e kohës, ky presion mund të bëjë që ato të shtrihen, duke u dhënë atyre një pamje të shëmtuar “të varur”.
Mbajtja e bizhuterive gjatë gjumit favorizon riprodhimin e baktereve
Shpesh bartim bizhuteri gjatë gjithë ditës dhe për këtë arsye zinxhirët, byzylykët, vathët dhe gjëra të tjera mund të bëhen një vend ideal për grumbullimin e papastërtive dhe baktereve.
Është e qartë se gjumi me bizhuteri të tilla mund të shkaktojë edhe probleme dermatologjike, si infeksione, puçrra apo pika të zeza.
Bizhuteritë mund të dëmtohen
Është shumë e lehtë të dëmtoni bizhuteritë gjatë gjumit. Bizhuteritë mund të gërvishten ose të dëmtohen nëse fërkohen me çarçafët ndërsa ju hidheni dhe ktheheni në shtrat gjatë natës. Kjo është arsyeja pse heqja e bizhuterive para se të shkoni në shtrat mund të zgjasë jetën e tyre. /Telegrafi/
