Familjar e miq, u mblodhën të martën.
Shtëpia e familjes Shala në Banjë të Malishevës, ka gëzim.
Këtu arriti lajmi, se pas më shumë se dy viteve, Gjykata Speciale, liroi Haxhi Shalën.
E nuk vonoi shumë, në Banjë të Malishevës, erdhi edhe vetura që e solli Komandant Topin.
Malli i dy viteve, u shua përmes këtij përqafimi.
Më pas vazhduan brenda shtëpisë, ku kamera e televizionit nuk lejohej.
Por, këtë e bën familjarët, të cilët lajmin për lirimin e pritën për dy vjet.
Nipi i tij, thotë se tashmë dera është e hapur për këdo që dëshiron ta vizitojë Shalën.
Përpos familjarëve të ngushtë, te Shala për vizitë erdhën edhe shumë bashkëluftëtarë.
Arsyet e lirimit më kusht, gjatë ditës i bëri të ditura vet Specialja.
“Procedurat e uljes, modifikimit ose ndryshimit të dënimeve të përcaktuara në nenin 51 (2) të Ligjit janë procedura individuale. Kur një person i shpallur fajtor ka vuajtur dy të tretat e dënimit, ai ose ajo nuk ka të drejtë të vetvetishme që dënimi t’i ulet, modifikohet ose ndryshohet, por vetëm plotëson kriteret për shqyrtim të mundësisë së uljes, modifikimit ose ndryshimit të dënimit”, kanë thënë nga Dhomat e Specializuara
Bashkë me Shalën, të martën janë liruar edhe Bashkim Smakaj e Fadil Fazliu.
Të tretë u dënuan nga Gjykata Speciale për veprën penale kundër administrimit të drejtësisë.
