Kryeministri Albin Kurti, ka përkujtuar vdekjen e liderit të Iniciativës Qytetare SDP, duke e quajtur Oliver Ivanoviqin “njeri që ka punuar për interesat e komunitetit të vet” dhe porositur “që të ruhet kujtimi për të”, shkruan teve1.info.
Lidhur me këtë deklaratë Perolli tha se kjo është edhe e rrezikshme sepse e tjetërson historinë, e tjetërson historinë e personit në fjalë të zotit Ivanoviq pasi që sipas tij ai ishte një kriminel lufte.
“Ne besoj që kjo jo vetëm që nuk duhet të lejohet, jo vetëm që nxjerrë hipokrizinë në pah të Kurtit, kjo është edhe e rrezikshme për neve sepse e tjetërson historinë, e tjetërson historinë e personit në fjalë të zotit Ivanoviq. Ai ishte kriminel lufte, ishte dënuar për këtë dhe ishte kriminel edhe pas luftës sepse ka dëbuar shumë shqiptar nga veriu i Mitrovicës dhe ka vrarë. Dy të vërteta nuk mund të qëndrojnë për këtë person, ai nuk mund të jetë edhe kriminel lufte edhe një person i përkushtuar për një Kosovë multietnike siç e tha zoti Kurti”, tha ai.
Sipas Perolli kjo deklaratë e kryeministrit kishte funksion instrumentalizimin e një çështje në një betejë që sipas tij ai e ka presidentin serb Aleksandar Vuçiq.
“Deklarata në vetvete kishte një funksion, ai funksion ishte instrumentalizomi për një çështje siç e shohim ne në një betejë të cilën ai e ka me zotin Vuçiq dhe po besoj aty ai mendon që mund t’i fitojë zemra e serbëve në Veri të Kosovës duke e ngritur me lëvdata një figurë serbe atu. Unë mendoj që kjo pos që është e dëmshëshme është edhe e rrezikshme, është e pacipë nga ana e kryeministrit”, shtoi ai.
Tutje Perolli tha se dhimbja e familjarëve të viktimave nga Oliver Ivanoviq është ende e hapur, është plagë e hapur, këtë sipas tij, Kurti e ka përdhosë dhe nuk mund ta arsyetoj me asgjë.
“Nuk është hera e parë që zoti Kurti bënë një gjë të tillë, zotin Mustafa e ka quajtur super kriminel për shkelje të Kushtetutës në momentin që ishte duke ardhur në pushtete i tha profesor i nderua. Besojmë që zotri Kurti duhet të dalë e të kërkojë falje për atë video të cilën e ka shfaqë dhe ta heqë atë video nga faqja të cilën e ka qit”, tha Perolli./Teve1.info/
