Deri në 12 orë ishin reduktimet e energjisë elektrike në rajonin e Ferizajt para disa ditësh.
Këtyre reduktimeve nuk u shpëtoi as fshati Bibaj.
Mirëpo sipas banorit të këtij fshati, Faton Haxhisalihut, gjendja tashmë ka filluar të përmirësohet.
“Me energji elektrike kemi qenë shumë, shumë keq sidomos gjatë muajit dhjetor edhe kur kanë qenë gurbetqarët këtu, është kanë gjendje e tmerrshme me rrymë. Është përmirësuar pak rryma”, thotë Faton Salihu, banor.
Por ky nuk ishte problemi i tyre i vetëm.
“KEDS-it i dërgoj të fala, dhe i bëj ftesë nëse kjo pjesa këtu me rrymë nuk rregullohet, siç kemi qenë më linjën e qytetit nuk e përjashtoj që do të kemi protesta, por munden me qenë edhe protesta të dhunshme”, shprehet ai.
E përveç reduktimeve, ka banorë që ankohen edhe për fryerje të faturës së rrymës.
Pajisjet jam detyruar me i heq të gjitha nga shtëpia, frigoriferin e kam qit jashtë shkaku i rrymës. As nuk bënë hidrofori as frizat as asgjë. E plus kësaj më ka ardhur rryma 70 euro, kjo nuk ndodh as në Afganistan çka është tu ndodh këtu të na”, thotë Minyr Krivinjeva.
Edhe sipas Sylejman Idrizit, gjendja e faturave nuk është në rregull.
“Tri orë pa rrymë e dy me rrymë, krejt muaji ka shkuar pa rrymë dhe faturat i kanë sjelë të fryra 40 euro më tepër”, thotë ai.
Gjatë muajit dhjetor, problem me energji elektrike kishin pasur edhe banorët e Bresjes në Fushë – Kosovë.
“Valla, tani për tani shumë mirë është situata, pak më herët kemi pas pak pengesa por gjynah është me thënë”, tha Gjyle Kryeziu.
E të njëjtin mendim e ka edhe Hava Mehmetaj.
“Tash kohët e fundit këtu po ndalet nga një herë, por mirë është nuk është edhe ashtu keq”, thotë ajo.
Ndërkohë, televizioni për këtë problem ka adresuar pyetje edhe në KEDS, mirëpo nuk ka marrë përgjigje deri në momentin e publikimit të kronikës.
