Bilanci i viktimave në Kenia nga përmbytjet e shirave të dendur është rritur në 76, tha zëdhënësi i qeverisë së vendit.
“Që nga fillimi i këtyre shirave, duke filluar nga 1 marsi 2024, me keqardhje të thellë njoftojmë humbjen tragjike të 6 jetëve të tjera në 12 orët e fundit, duke e çuar totalin në 76”, tha Isaac Mwaura në një konferencë shtypi.
Mwaura shtoi se 29 kenianë janë plagosur dhe 19 persona janë raportuar të zhdukur. Ai tha se policia dhe ushtria janë vendosur për të ofruar ndihmë dhe mbështetje në zonat e prekura.
Kenia ka përjetuar reshje të pamëshirshme të shoqëruara nga stuhi të forta dhe reshje mbi mesataren gjatë sezonit të gjatë të shirave në vazhdim mars-prill-maj (MAM).
Departamenti Meteorologjik i Kenisë lëshoi paralajmërime të shtunën, duke i kërkuar publikut të përgatitet për reshje më të mëdha në disa rajone, veçanërisht në Luginën e Riftit, malësitë perëndimore dhe lindore të luginës Riftit, duke përfshirë Najrobin, Ultësirën Juglindore, Pellgun e Liqenit Viktoria dhe rajonin bregdetar.
Përmbytjet e vazhdueshme kanë shkaktuar dëme në 47 qarqe, duke çuar në zhvendosje të gjerë, shkatërrim të pronës dhe infrastrukturës dhe humbje tragjike të jetëve. /AA
