Siç raportojnë mediet turke, mes viktimave është edhe një fëmijë. Aksidenti tragjik ndodhi kur autobusi me të cilin po udhëtonin pasagjerët, humbi drejtimin, doli nga rruga e u përmbys.
Ngjarja raportohet të ketë ndodhur në orët e para të mëngjesit të së shtunës.
“Sipas të dhënave paraprake, 5 persona, përfshirë një fëmijë, u vranë dhe 22 persona u plagosën kur një autobus pasagjerësh u përmbys në Dijarbakır”, transmeton kanali televiziv TRT Haber në Turqi.
Nuk dihet ende numri total i pasagjerëve që ndodheshin në autobus.
Sipas informacioneve të deritanishme, drejtuesi i autobusit dyshohet se ka humbur kontrollin e mjetit për shkak të rrëshqitjes së rrugës për shkak të shiut që ka përfshirë zonën ditët e fundit./TRT/
