Garda ka zënë vendin e po behën përgatitjet e fundit. Këtu në periferi të Prishtinës, pas pak minutash do të mbërrijë një qeveri e tërë.
Kjo pasi në mëngjesin e së hënës, do të mbahet mbledhja e tetë e dy qeverive, asaj të Kosovës dhe Shqipërisë.
Të parët që erdhën këtu, ishin nikoqirët nga Kosova.
E më pas, erdhi edhe kryeministri i Kosovës, Albin Kurti.
Ndërkohë më pas arritën edhe ministrat shqiptar.
Ndërsa në ora 11:00, sipas protokollit, arriti edhe kryeministri shqiptar, Edi Rama.
Ky i fundit, u prit me ceremoni shtetërore e pritje vëllazërore.
Nga këtu, kabinetet qeveritare vazhduan në mbledhjen e përbashkët.
Por, fillimisht, kryeministri shqiptar, tha se kishte dëgjuar diçka gjatë ceremonisë.
Më pas këtu nënshkruan plot 19 marrëveshje të reja në mes dy shteteve.
Ndërsa u nënshkrua edhe marrëveshja që ua lehtëson qytetarëve të dy vendeve, lëvizjen në fundjavë gjatë muajve të verës.
E pas kësaj, të dy kryeministrat me një orë vonesë dolën para gazetarëve.
I lumtur me marrëveshjet e nënshkruara, u shpreh kryeministri i Kosovës, Albin Kurti.
Kurti qëndroi i rezervuar rreth temës së Ballkanit të Hapur.
Por, ai që foli, ishte kryeministri shqiptar Edi Rama.
Ky i komentoi edhe zërat se është pjesë e një plani që ka synim rrëzimin e Qeverisë Kurti 2.
E më pas nuk e harroi as qenin, të cilin vetëm ai po e dëgjonte.
Në këtë paraqitje dy kryeministrat shqiptarë siguruan se nuk kanë asnjë hatër mbetje me njëri-tjetrin.
Takimi i parë mes dy qeverive të Kosovës, u mbajt në vitin 2014 në qytetin e Prizrenit, për të vazhduar më pas çdo vit në qytete të ndryshme shqiptare.
Raporti i gazetarit Fidan Zejnullahu.
