Gjashtë persona janë arrestuar të shtunën në Klinë, pasi dyshohet se janë përfshirë në një rrahje mes vete, për motive të panjohura.
Siç bëhet e ditur në raportin 24-orësh të Policisë, dy nga të dyshuarit kanë pësuar lëndime nga mjete të mprehta.
Të lënduarit fillimisht kanë marrë trajtim mjekësor në Qendrën Kryesore të Mjekësisë Familjare (QKMF) në Klinë, ndërsa më pas janë dërguar në spitalin rajonal në Pejë.
Pas intervistimit me vendim të prokurorit dy të dyshuar janë dërguar në mbajtje, ndërsa katër të tjerë janë liruar në procedurë të rregullt.
“Janë arrestuar gjashtë (6) të dyshuar meshkuj kosovarë nën dyshimin se të njëjtit për motive (ende) të panjohura janë përfshirë në rrahje në mes veti, ku dy prej të dyshuarve kanë pësuar lëndime dyshohet nga mjete të mprehta. Të lënduarit, kanë pranuar tretman mjekësor në QKMF-Klinë e pastaj në spitalin rajonal në Pejë. Pas intervistimit me vendim të prokurorit dy të dyshuar janë dërguar në mbajtje, ndërsa katër të tjerë janë liruar në procedurë të rregullt”, thuhet në raportin e Policisë./teve1.info/
