Reshje bore e temperatura të ulëta janë paralajmëruar për ditët në vijim.
Por, disa komuna janë ende në faza përgatitore.
Me 11 janar, komuna e Prishtinës hapi tender për mirëmbajtje të rrugëve e trotuareve.
Për çka janë paraparë 2.4 milionë euro.
E 270 mijë euro ka ndarë edhe komuna e Drenasit, për kujdesin ndaj rrugëve gjatë dimrit.
Për shërbimin e mirëmbajtjes së rrugëve lokale varësisht kërkesave, komuna e Vushtrrisë ka planifikuar të shpenzojë 180 mijë euro.
E gjysmë milion euro është vlera e kontratës së nënshkruar nga komuna e Vitisë, për mirëmbajtjen e rrugëve lokale.
Në disa lote është ndarë mirëmbajtja e rrugëve në komunën e Pejës.
Këto shërbime, kapin vlerën e 222 mijë eurove.
Me projekt dy vjeçar ka përcaktuar komuna e Zveçanit, mirëmbajtjen e infrastrukturës së fshatrave, që tejkalon shumën prej 95 mijë eurove.
Ndërkaq, komuna e Lipjanit ka shpenzuar 20 mijë e 940 euro, për lidhje të kontratës për mirëmbajtje dhe pastrim të rrugëve dhe trotuareve gjatë sezonit dimëror.
