Ka përfunduar takimi i emisarit të Shteteve të Bashkuara të Amerikës për Ballkanin Perëndimor, Gabriel Escobar me drejtuesit e partive opozitare në Kosovë.
Në këtë takim morën pjesë kryetari i Partisë Demokratike të Kosovës, Memli Krasniqi, ai i Lidhjes Demokratike të Kosovës, Lumir Abdixhiku dhe nënkryetari i Aleancës për Ardhmërinë e Kosovës, Ardian Gjini.
Kujtojmë se PDK-ja dhe LDK-ja kanë shprehur rezerva se i përket Planit Evropian duke thënë se si të tillë nuk mund ta mbështesin. Ndërsa, AAK e ka mbështetur këtë plan dhe ka thënë se do ta votonte nëse vije në Kuvend pas nënshkrimit të marrëveshjes.
Escobar të premten pritet të zhvillojë takim edhe me kryeministrin Albin Kurti.
Vizita e tij po ndodhë në prag të takimit të 18 marsit në Ohër ndërmjet kryeministrit të Kosovës, Albin Kurti dhe presidentit serb Aleksandar Vuçiq. /Teve1.info/
