Ka përfunduar seanca për dy të arrestuarit serb pjesë të grupit terrorist që sulmuan Policinë e Kosovës në Banjskë të Leposaviçit, raporton teve1.info.
Kështu ka bërë të ditur gazetari i Teve1, Arton Rama i cili po raporton nga vendi i ngjarjes.
Sipas tij, avokati i të arrestuarve, Dejan Vasic ka bërë të ditur se vendimi do të mirret pas gjysmë ore.
Derisa sipas gazetarit Rama, Njesitet Speciale tashmë kanë ardhur t’i marrin të dyshuarit serb nga seanca në Gjykatën Themelore.
Ndryshe, Prokuroria Speciale e Kosovës ka kërkuar që ndaj të arrestuarve të caktohet masa e paraburgimit.
“Prokuroria Speciale njofton opinionin se kërkesa është bërë kundër tre (3) të pandehurve për veprat penale “Veprat e rënda kundër rendit kushtetues dhe sigurisë së Republikës së Kosovës” nga neni 126, dhe “Kryerja e veprave terroriste” nga neni 129 të Kodit nr.06/L-074 Penal të Republikës së Kosovës, si dhe veprat penale “Veprat e rënda kundër rendit kushtetues dhe sigurisë së Republikës së Kosovës” nga neni 126, dhe “Kryerja e veprave terroriste” nga neni 129, lidhur me nenin 33 të Kodit nr.06/L-074 Penal të Republikës së Kosovës”, thuhet në njoftim./teve1.info/
Dy pjesëtarët e grupit që kryen sulm terrorist arrijnë në gjykatë, prokuroria kërkon paraburgim
