Ka përfunduar gjyqi i kryekuvendarit, Glauk Konjufca, për hedhje të gazit lotsjellës në gusht të vitit 2016. Prokuroria kërkoi dënim maksimal, kurse mbrojtja lirimin e tij.
Hera e dytë brenda javës, që kryetari i Kuvendit, Glauk Konjufca paraqitet para gjykatës.
Kjo ishte seanca e fundit për të, për rastin e gazit lotsjellës.
Para gjykatës, nga palët u thanë fjalët përfundimtare.
Prokuroria kërkoi që Konjufca të shpallet fajtor, dhe ta marrë dënimin maksimal.
Ndërkohë, mbrojtja kërkoi lirimin e tij.
Konjufca akuzohet se më 10 gusht të vitit 2016, në një mbledhje të Kryesisë së Kuvendit kishte hedhur gaz lotsjellës, duke e pamundësuar vazhdimin e saj.
