Ka përfunduar bastisjen e cila është kryer me urdhër të Gjykatës Speciale, në shtëpinë e ish-pjesëtarit të UÇK, Behar Berisha.
Pas përfundimi të bastisjes në këtë shtëpi e cila ndodhet në “Kodrën e Trimave” në Prishtinë, nuk është bërë e ditur se çfarë është konfiskuar, raporton teve1.info
Berisha është raportuar se ka qenë bashkëluftëtar i Sali Mustafës – Calit, i cili është dënuar me 26 vjet burg nga Gjykata Speciale.
Të martën ish-komandanti i UÇK-së për Zonën e Llapit, Rrustem Mustafa-Remi, është arrestua me urdhër të Gjykatës Speciale, por që më pas është liruar.
Ish – komandant-Remi, deklaroi për media se i është marrë vetëm telefoni mobil dhe është larguar pa dhënë detaje të tjera.
Ndërsa, të njëjtën ditë është bastisur edhe banesa e dëshmorëve Bahri e Fahi Fazliu.
Aty është konfiskuar telefoni personal i vëllaut, Fadil Fazliu dhe laptopi për të cilin ai tha se ishte i punës.
Ndryshe, Dhomat e Specializuara në Hagë kanë thënë se nuk kanë ndonjë koment në lidhje me bastisjen që ka ndodhur sot në banesën e dëshmorëve, Bahri dhe Fahri Fazliu.
“Ne nuk kemi ndonjë koment”, thuhet në përgjigjen e tyre drejtuar teve1.info
EULEX-i është deklaruar për këto bastisje duke thënë se ata nuk kanë mandat, por vetëm se ofrojnë mbështetje
