Ka përfunduar bastisja në institucionin e arkivës shtetërore dhe institucionin kadastral.
Pas përfundimit të këtij aksioni, janë arrestuar edhe katër persona.
Aksioni i Policisë së Kosovës u krye në koordinim me Prokurorinë Themelore të Prishtinës nën dyshimin e keqpërdorimeve e pozitës dhe autoritetit zyrtar.
“Lidhur me pyetjen tuaj ju njoftojmë, se Prokuroria Themelore në Prishtinë në koordinim dhe bashkëpunim të ngushtë me Policinë e Kosovës, sipas urdhëresës nga gjykata ka marrë aksion për bastisje dhe kontroll në institutcionin e arkivës shtetërore dhe institutcionin kadastral te Republikës së Kosovës për veprën penale “ Keqpërdorim i pozitës apo autoritetit zyrtar” nga neni 414 te Kodit Penal të Republikës së Kosovës. Prokurori i shtetit për çdo zhvillim të mëtejshëm do të ju mbajë të informuar”, thuhet në përgjigjen e zyrtares nga Prokuroria Themelore e Prishtinës, Kaltrina Shala. /teve1.info/
Prokuroria konfirmon operacionin në objektin ku ndodhen disa agjenci të shtetit
