Përfundon aksioni i Policisë për largimin e kamerave ilegale në Shtërpcë

Gjatë këtij aksioni janë sekuestruar 20 kamera që ishin të vendosura ilegalisht nëpër qytetin e Shtërpcës.

“Janë rreth 20 kamera të sigurisë, edhe është një aparaturë, pajisje për monitorimin e këtyre kamerave të sigurisë tash për tash janë të sekuestruara”, ka thënë prokurori Rasim Maloku për Tëvë 1.

Ai ka bërë të ditur se janë duke u hetuar të gjithë punëtorët e strukturave paralele në lidhje me aksionin e sotëm.

“Hetimin e kemi fillu në aksionin e parë kur kemi zhvilluar”, shtoi ai.

Maloku për Tëvë 1 tregoi se të dielën çelësat e shtëpisë do t’i dorëzohen pronarit të shtëpisë, teksa shtoi se ai objekt nuk do të funksionoj për struktura ilegale./teve1.info/