Ka mbaruar aksioni i kërkimit nga Shoqata e Kosovës për Kërkim-Shpëtim në fshatin Bresalc të Komunës së Gjilanit, pas raportimit për një person të zhdukur.
Lajmin për tëvë1.info e ka bërë të ditur zëdhënësi i Policisë për rajonin e Gjilanit, Ismet Hashani.
Ai bëri të ditur se aksioni mbaroi në momentin që është gjetur vetura nga Policia e Kosovës në një mal afër Gjilanit.
Të njëjtit janë duke e hetuar rastin, ndërkaq, për momentin sipas policisë nuk ka të lënduar e as të dyshuar.
“Sot me 08.11.2025, njësitet e policisë së Kosovës dhe ekipe të kërkim shpëtimit nga orët e mëngjesit kanë pas një aksion të kërkim shpëtimit. Kërkimi ka mbaruar posa është gjetur vetura, në një mal afër Gjilanit, për momentin janë duke u hetuar rrethanat për çfarë arsye është vetura aty. Për rastin është njoftuar prokurori i shtetit. Nuk raportohet se ka persona të lënduar”, ka deklaruar Hashani./teve1.info/
