Një shtëpi në fshatin Savrovë të Suharekës është përfshirë nga flakët të hënën në mëngjes. Sipas Policisë rajonale të Prizrenit në këtë rast nuk ka pasur persona të lënduar, por janë shkaktuar dëme të konsiderueshme materiale.
“Me datë 12.05.2025 , rreth orës 03:20 është raportuar një incident zjarri në fshatin Savrovë, Suharekë. Raportohet se ka marr flakë një shtëpi. Dëmi material i shkaktuar është i konsiderueshëm, por të lënduar nuk ka”, ka thënë për Tëvë1 zëdhënësi i Policisë rajonale të Prizrenit, Shaqir Bytyqi.
Sipas tij, zyrtarët policorë dhe zjarrfikësit kanë dalë në vendngjarje dhe zjarri është shuar.
