Një grua së bashku me vajzën e saj të mitur kanë pësuar lëndime trupore gjatë përpjekjeve për të ikur nga shtëpia, pasi që kati i dytë ishte përfshirë nga zjarri.
Sipas policisë, viktimat kanë pranuar tretman mjekësor në QKUK.
Rasti ka ndodhur të premten në Ferizaj.
“Raportohet se është përfshi nga zjarri kati i dyti i një shtëpie. Si pasojë e zjarrit, viktima femër kosovare, së bashku me vajzën e saj të mitur, ka kërcyer nga dritarja dhe kanë pësuar lëndime trupore. Në vendin e ngjarjes kanë dalë njësitet përkatëse, ndërsa ekipi zjarrfikës ka lokalizuar zjarrin. Për shkak të lëndimeve, viktimat janë dërguar për tretman mjekësor në QKUK. Lidhur me rastin është njoftuar prokurori”, thuhet në raport./teve1.info/
