Përfshihet nga zjarri mali i Gërlicës në Kaçanik, zjarrfikësit në vendngjarje

Zona malore e fshatit Gërlicë e Epërme të Kaçanikut është përfshirë nga zjarri.

Në vendin e ngjarjes prezentë janë ekipet e zjarrfikësve si dhe njësitë policore.

Kështu ka bërë të ditur për teve1.info, zëdhënësi i Policisë së Kosovës për rajonin e Ferizajt, Kanun Veseli.

“Me datën 06.04.2024 rreth orës 19:35 kemi pranuar një informacion se në fshatin Gërlicë e Epërme , tek lagjja “Prushaj” në Kaçanik, një zonë malore është përfshirë nga zjarri. Janë njoftuar brigada e zjarrfikësve të Kaçanikut, të cilët menjëherë kanë dalë në vendin e ngjarjes në përpjekje për ta shuar zjarrin, ndërsa edhe ekipe të policisë janë atje”, tha ai./teve1.info/