Policia ka njoftuar se disa lokale janë përfshirë nga zjarri mëngjesin e sotëm në fshatin Sllatinë e Madhe.
Kështu ka bërë të ditur për tëvë1.info zëdhënësi i policisë për rajonin e Prishtinës, Agron Borovci, i cili ka thënë se nuk raportohet për të lënduar.
Ai tutje ka bërë të ditur se policia ka dalë në vendin e ngjarjes dhe zjarrfikësit kanë lokalizuar zjarrin.
“Rreth orës 05:00, është pranuar informata për një zjarr në disa lokale në fshatin Sllatinë e Madhe. Policia menjëherë ka dalë në vendin e ngjarjes, ka ftuar zjarrfikësit të cilët kanë lokalizuar zjarrin. Deri më tani nuk raportohet për të lënduar përveç dëmeve të konsiderueshme materiale. Aktualisht policia në koordinim me prokurorin e shtetit ka nisur ndërmarrjen e veprimeve hetimore për sqarimin e plotë të rrethanave që karakterizojnë ngjarjen”, ka deklaruar Borovci.
Ndërsa, rasti tjetër ka ndodhur Fushë-Kosovë ku është raportuar për një zjarr në njehsorët e rrymës elektrike të një objekti.
E për këtë rast, policia ka indetifikuar një person të dyshuar ku i njëjti më pas është arrestuar.
“Rreth orës 00:30 në rrugën “Nëna Terezë” në Fushë Kosovë, është raportuar një zjarr në njehsorët e rrymës elektrike të një objekti. Policia ka dalë në vendin e ngjarjes, ka iniciuar një hetim në drejtim të veprës penale “Shkaktim i rrezikut të përgjithshëm” ka identifikuar një person të dyshuar, dhe të njëjtin me rekomandimin e prokurorit të shtetit e ka dërguar në mbajtje prej 48 orësh”, ka deklaruar Borovci./teve1.info/
