Korporata Energjetike e Kosovës ka njoftuar se të martën si pasojë e temperaturave të larta një pjesë e sipërfaqeve tek termocentrali “Kosova A” janë përfshirë nga zjarri disa barishta të thatë.
Sipas njoftimit të KEK-ut zjarri është duke u lokalizuar dhe situata është nën kontroll.
“Sot, si pasojë e temperaturave të larta atmosferike, në një pjesë të sipërfaqeve/seperimet tek Termocentralit “KosovaA” janë përfshirë nga zjarri disa barishta të thatë. Fenomene të tilla janë të zakonshme gjatë stinës së verës dhe ndodhin edhe në vende të tjera me kushte të ngjashme klimatike. Zjarri është duke u lokalizuar dhe situata është plotësisht nën kontroll. Ekipet profesionale të zjarrfikësve të KEK-ut ndodhen në vendngjarje dhe po veprojnë me efikasitet për të menaxhuar dhe eliminuar zjarrin”, thuhet në njoftim./teve1.info/
