Në njoftimin për media nga Kuvendi kanë bërë të ditur se, kryetari i komisionit, Haki Abazi, i njoftoi ata për fushëveprimtarinë dhe angazhimet e komisionit.
“Kryetari i Komisionit, Abazi, gjatë këtij takimi vuri në spikamë edhe angazhimet parlamentare që ndërlidhen me proceset integruese të vendit, përkatësisht, sfidat dhe sukseset me të cilat ballafaqohemi në këtë rrugëtim. Për të qenë edhe më të suksesshëm në përpjekjet integruese të vendit tonë, Abazi kërkoi që mbështetja dhe bashkëpunimi austriak të thellohen edhe më tej, veçanërisht bashkëpunimi ndërparlamentar”, thuhet në njoftim.
Përfaqësuesi i delegacionit austriak, Harald Doss, shprehu interesimin lidhur me zhvillimet në Kosovë.
Për sa i përket përkrahjes së Austrisë, Doss, i siguroi anëtarët e Komisionit se, Austria do të jetë përherë krah Kosovës deri në arritjen e plotë të aspiratave të saja.
“Në fund të takimit, bashkëbiseduesit vlerësuan se shkëmbimi i përvojave ndërmjet të dyja parlamenteve është i mirëseardhur, duke realizuar projekte të përbashkëta që avancojnë aftësitë profesionale në administratat respektove”, thuhet më tej në njoftim. /teve1.info/
