Prokuroria Speciale e Kosovës, pas zhvillimeve të hetimeve, ka ngritur sot aktakuzë ndaj të pandehurit M.H..
Në njoftimin për media është bërë e ditur se nga provat e siguruara gjatë fazës së hetimeve, dhe pas analizimit të tyre, është vërtetuar se i pandehuri, në cilësinë e personit zyrtar, mësimdhënës, me qëllim të nxitjes së urrejtjes, përçarjes dhe mos durimit midis grupeve kombëtare, etnike dhe fetare në Kosovë, me rastin e ditës së flamurit kombëtar, publikisht ka ndërmarrë veprime konkrete në drejtim të përdhosjes së simboleve kombëtare shqiptare, më konkretisht flamurit kombëtar dhe plisit.
Prokuroria thotë se me këto veprime M.H., ka kryer veprën penale “Nxitja e përçarjes dhe mos durimit.”
Prokurori i shtetit nga Prokuroria Speciale i ka propozuar gjykatës që pas shqyrtimit gjyqësor dhe administrimit të provave, të njëjtin ta shpallë fajtor dhe ta dënojë sipas Kodit Penal të Kosovës.
Po ashtu, prokurori i rastit, ka kërkuar nga gjykata që ndaj të pandehurit M.H, t’i shqiptohet edhe dënimi plotësues ndalimi i ushtrimit të funksioneve në administratën publike ose në shërbimin publik,
