Policia e Kosovës ka bërë të ditur se në rajonin e Prishtinës gjatë javës së kaluar në lokacione të ndryshme dhe aksione të ndara, janë realizuar 200 urdhëresa të gjykatës, prej tyre 49 urdhëresa për vepra penale, ndërsa të tjerat për kundërvajtje, seanca, verifikime etj.
Sipas komunikatës në përputhje me urdhëresat, pas përfundimit të procedurave policore, personat e dënuar me burgim janë dërguar për vuajtje të dënimit, ndërsa personat e dënuar me gjobë, janë liruar, pasi të njëjtit kanë kryer obligimet e caktuara në urdhëresa.
Gatë javës sipas PK-së janë sekuestruar 9 armë zjarri, të llojeve dhe kalibrave të ndryshëm, si dhe qindra municione të llojeve dhe kalibrave të ndryshëm.
Sa i përket aktiviteteve në trafikun rrugor, policia ka bërë të ditur se kanë shqiptuar 4131 masa administrative me gjobë për lloje të ndryshme të kundërvajtjeve dhe shkeljeve të kodit rrugor, prej tyre 905 të evidentuara nga vetura intelegjente dhe vetura me radar mobil.
