Nga zgjedhjet parlamentare në Kosovë, fituese doli Lëvizja Vetëvendosje.
Sipas të dhënave zyrtare nga Komisioni Qendror Zgjedhor, përqindja e Vetëvendosjes në këtë proces është mbi 41%.
Këtë herë ka mbi 100 mijë vota më pak se në zgjedhjet e vitit 2021.
Pavarësisht që i synoi gjysmë milioni vota, kryetari i këtij subjekti politik, Albin Kurti të dielën u gëzua edhe më këtë rezultat.
Pas saj, partia e dytë fituese doli Partia Demokratike e Kosovës me mbi 22 përqind.
Kandidati për kryeministër i këtij subjekti politik, Bedri Hamza tha se nuk do të ketë koalicion me Vetëvendosjen.
Me përqindje deri në 17.75 sipas të dhënave nga KQZ-ja, doli Lidhja Demokratike e Kosovës.
Kryetari i LDK-së, Lumir Abdixhiku tha se qëndrimet e tij politike do të vijnë pas numërimit të të gjithë votave.
E fundit për nga përqindja u radhit Aleanca për Ardhmërinë e Kosovës.
Kreu i AAK-së të hënën tha se ka vija të kuqe me Vetëvendosjen dhe bashkëpunon vetëm me opozitën.
E uljen e pushtetit dhe ngritjen e opozitës e sheh si ndëshkim qytetar profesori universitar, Avdi Smajljaj.
Ai thotë se ky është një mesazh i qartë për partinë në pushtet.
Herën e kaluar në vitin 2021, Lëvizja Vetëvendosje kishte marrë 50,2 përqind, Partia Demokratike e Kosovës 17, Lidhja Demokratike 12,7 përqind dhe Aleanca për Ardhmërinë e Kosovës 7,1 përqind.
