Pas një vit punimesh, përfundoi i gjithë projekti.
E për ta prerë shiritin, erdhi edhe kryeministri në detyrë, Albin Kurti.
Shefin në detyrë i qeverisë, këtu në lagjën e Boshnjakëve në veri e pritën edhe me disa ëmbëlsira.
Sipas kryetarit të komunës së Mitrovicës së Veriut, Erden Atiq krejt ky investim u bë me ndihmën e qeverisë, në vlerë 125 mijë euro .
“Jemi këtu në fushën në Lagjen e Boshnjakëve, iniciativë e Komunës së veriut të Mitrovicës, e imja si kryetar në ike. Një falënderim për qeverinë projekt në vlerë 125 mijë euro, përafërsisht, në një afat rekord”, deklaro ai.
Kurti vazhdoi për të parë nga afër punimet e qendrës strehimor për familjet që kanë përjetuar dhunë, e cila po ndërtohet për herë të parë në veri.
“Do të përfundojnë për pesë muaj, kështu që mësë largu në fillim të pranverës ky objekt do të jetë i përfunduar dhe asisoj ata anëtarë fatkeq të familjeve ku kanë përjetuar dhunë, do të mund të strehohen dhe të ketë kujdes profesional, për këta këtu, dhe mirëqenie sa i përket jetesës deri në një zgjidhje tjetër të qëndrueshme”, deklaroi ai.
Këtë projekt e kishte nisur sa ishte ministre e Drejtësisë, ndërkaq sot nënkryetarja, Albulena Haxhiu theksoi se në këtë pjesë të vendit nuk ka pasur strehimore të tillë.
“Meqë në këtë pjesë nuk ka pasur asnjë strehimore që strehon viktimat e dhunës në Familje ne kemi konsideruar që është e rëndësishme që të kemi një strehimore pikërisht në këtë lokacion, dhe kjo dëshmon edhe njëherë që ne i mbrojmë të gjithë qytetarët e Republikës së Kosovës, pavarësisht etnisë pra pavarësisht nacionalitetit. Unë uroj që punimet të përmbyllen sa më shpejt që është e mundur”, deklaroi ajo.
Vlera e këtij projekti, është 640 mijë euro.
Kurti vizitoi punimet tjera për ndërtimin e një shkolle fillore në veri.
