Rreth 700 mijë vetura qarkulluan në Kosovë për 9 muaj, duke përfshirë këtu vetura me targa vendore dhe ato me targa të huaja. Për këtë njohësit e ambientit po kërkojnë që të merren masa për vetura të cilat shkaktojnë ndotje të ambientit.
Për nëntë muaj në rrugët e Kosovës kanë qarkulluar më shumë se 700 mijë vetura.
Në bazë të të dhënave që Tëvë1 ka siguruar nga Byroja e Sigurimeve, mbi 327 mijë automjete me targa vendore, prej fillim-vitit deri me 22 shtator, kanë marrë polisen e sigurimit.
E ardhja e mërgatës bëri që edhe mbi 374 mijë vetura shtesë t’i shtohen trafikut në Kosovë.
Rritja e numrit të tyre ndër vite, sipas profesorit të mjedisit Sami Makolli po ndotë ambientin.
“Ndotja është shumë e lartë nga vetura, fakti i lirimit të metaleve të renda të dioksdi të karbonit, monoksidit të sufler, pra komunikacioni është një nga faktorët ma ndotës në mjedise”, ka thënë profesori i Mjedisit, Sami Makolli.
Për këtë ai kërkon vendosjen e taksave mjedisore për veturat të cilat shkaktojnë ndotje.
“Të vendoset të paktën një kriter minimal dhe jo çdo veturë e meriton me dal në komunikacion, pasi që ka vetura janë shumë dëmtiuar dhe dëmtojnë shumë mjedisi E dyta të është rregullimi i flotës,veturat që është dizel të ketë një taksë me të lartë mjedisore krahasuar me atë që është benzinë, ajo që është benzinë me të lartë se ato që janë elektrike”, ka deklaruar Makolli.
E që komunikacioni të mos bllokohet, eksperti i komunikacionit, Bekim Ahemeti ka një propozim.
“Zgjidhja më e mirë do të ishte tramvaji, e kemi thënë edhe më herët që në mandatin e parë çdo kryetar duhet ta jetësoj idenë e tramvajit meqenëse është me ekologjik dhe mbulon zonë qendër me periferi”, ka deklaruar eksperti i komunikacionit, Bekim Ahmeti.
Po ashtu Ahmeti, kërkon që të krijohen më shumë hapësirë për trotinete në kryeqytet.
“Kemi automjete elektrike dhe trotinete që të behet linja e trotineteve jo biciklistëve, sepse është mjet motorik”, ka thënë Ahmeti.
Në vitin e kaluar nëpër rrugët e Kosovës kanë qarkulluar mbi 800 vetura.