Pensionistë të shumtë dorëzuan sot dokumentet e tyre për të kërkuar kompensimin e pensionit. Të pakënaqur me trajtimin që po ua bën Qeveria, pensionistët kanë paralajmëruar protestë përmes së cilës do kërkojnë plotësimin e kërkesave.
Radha e pritjes është e gjatë.
E interesimi për të qenë pjesë e Shoqatës së Pensionerëve po bëhet në të gjitha format.
Për anëtarësim në shoqatë, ata po dorëzojnë vendimin e pensionistit, kartelën për pensionist, gjendjen e llogarisë bankare për tre vitet e fundit dhe kopjen e letërnjoftimit.
Ndërsa dorëzimi i dokumenteve të tyre po bëhet për të kërkuar kompensimin e pensionit sipas indeksit të kostos së jetesës në Kosovë.
E nënshkrimi autorizon avokatët përkatës për t’i përfaqësuar ata për këtë çështje.
Të pakënaqur me trajtimin që po ua bën qeveria, pensionistët madje paralajmëruan protestë.
E për dorëzim të dokumenteve, për Vesel Veselin ishte marrë i biri i tij.
‘’Djali m’i ka kry…’’, tha Vesel Veseli.
Mirëpo jo të gjithë besojnë se mund të kenë sukses.
‘’Dikush po i maltreton këta njerëz…’’, u shpreh Halil Doda.
‘’Kur të vërtetohet që e merr dikush…”, deklaroi Hakif Hamiti.
Para afër dy muajsh, Ministria e Financave ka bërë thirrje përfituesve të skemave pensionale që të kenë kujdes lidhur me dokumentacionin dhe autorizimin e bërë tek palët e treta, meqë mund të cenohet privatësia e të dhënave të tyre.
