Vendosja e pengesave në trotuare në qytetin e Fushë Kosovës ka bërë që prindërit të hasin në probleme për të dërguar fëmijët në çerdhe. Prindërit ankohen se nuk ka qenë vendim i duhur të vendosen pengesa në trotuare afër Institucionit Parashkollor “Gëzimi ynë”.
I duhet ta parkojë veturën larg kopshti “Gëzimi Ynë”.
Këtë veprim e bën çdo herë Nergjivane Malaj, e cila sjell fëmijën në këtë Institucion Parashkollor në Fushë Kosovë.
Por, ardhja këtu po i shkakton problem, shkak për këtë janë këto pengesa të vendosura në rrugë.
Mirëpo, kishte edhe prindër që mbrapa kamerës u shprehen se e respektojnë këtë vendim dhe se i njëjti nuk paraqet shumë problem për ta.
Edhe nga Komuna e Fushë Kosovës, tregojnë se ky vendim është marrë për sigurinë e fëmijëve në kopsht.
Televizioni ka tentuar të marrë një qëndrim për këtë çështje edhe nga zyrtarë të kopshtit, por të njëjtit nuk kanë pranuar të flasin.
Rinesa Osmanaj