Mbi 357 mijë euro komunës së Suharekës, i ka kushtuar blerja e drurit dhe peletit për shkolla, Qendra të Mjekësisë Familjare e institucione kulturore.
Për mirëmbajtjen e ngrohjes qendrore, Ferizaj shpenzoi 12 mijë e 542 euro.
Furnizimi me dru, komunës së populluar me shumicë serbe, Novobërdës, i kushtoi afro 59 mijë euro.
Në pritje të ofertave për lëndë djegëse, janë një numër më i madh i komunave.
Gjilani ka paraparë rreth 627 mijë euro për dru dhe pelet.
Një shumë të përafërt e ka ndarë edhe komuna e Rahovecit, gjithsej 161 mijë euro, por vetëm për furnizim me dru.
Për të njëjtën lëndë djegëse, Fushë Kosova ka ndarë nga buxheti 610 mijë euro.
Druri mbetet lënda djegëse kryesore edhe në Han të Elezit, duke tejkaluar shifrën prej 32 mijë euro.
Rreth gjysma e kësaj shume, 14 mijë euro, ka planifikuar për dru edhe komuna e Junikut.
Ndërkaq, për pelet, kanë hapur tenderë, Kamenica për 78 mijë euro, Kaçaniku me 68 mijë euro dhe Istogu me 16 mijë euro.
Në nivelin global, dimri i sivjetmë është paralajmëruar të jetë i vështirë për shkak të krizës energjetike dhe ngritjes së vazhdueshme të çmimeve për produktet bazike.
Kronika e realizuar nga Florijeta Dernjani
