Një incident është raportuar në një shkollë në fshatin Jabllanicë e Vogël të Pejës, ku një nxënësi i është gjetur një mjet i mprehtë – konkretisht një brisk.
Policia e Kosovës ka njoftuar se mjeti është zbuluar dhe konfiskuar nga një mësimdhënës i shkollës.
“Mjeti i mprehtë (brisk) është konfiskuar nga mësimdhënësi”, thuhet në raportin 24-orësh të Policisë së Kosovës.
Pas këtij veprimi, nxënësi është intervistuar nga njësitet policore dhe me vendim të prokurorit është liruar në procedurë të rregullt.
“Nxënësi është intervistuar dhe me vendim të prokurorit është liruar dhe në procedurë të rregullt”, thuhet më tej në raport.
