Peja sot e zhvillon ndeshjen e parafundit në grupet e FIBA Europe Cup.
Ekipi kosovar që ka gjasa të mira për kualifikim në fazën e dytë, ka udhëtuar drejt shtetit të Holandës atje ku sonte takohet me ekipin e Heroes Den Bosch, të cilin në Kosovë e kishte mposhtur me 15 pikë dallim (99-85).
Verdhezinjtë kanë dy fitore e dy humbje, duke u renditur momentalisht në vendin e dytë, kurse holandezët kanë katër humbje në katër ndeshje.
Liderët e Superligës kanë mundur edhe PGE Spojnia Stargard, që ka po ashtu dy fitore e dy humbje. Polakët do të ndeshen me Niners, që kanë katër fitore në katër ndeshje dhe kanë siguruar kualifikimin tutje.
Ndeshja fillon nga ora 20:00 dhe transmetohet direkt në You Tube.
