Ministri i Bujqësisë, Faton Peci u ka reaguar Fahrije Hotit dhe dy avokatëve të saj që e akuzuan sot për shpifje e pretendime të rreme.
Peci ka publikuar në Facebook dokumentin ku shkruan se në vitin 2019, kompanisë që drejton Fahrije Hoti i është refuzuar aplikimi për grant.
“Siç edhe e kam paralajmëruar, ja dëshmia që në vitin 2019, në kohën e koalicionit PAN dhe Qeverisë Haradinaj, i refuzohet aplikimi për grant Kooperativës Bujqësore “KRUSHA”.
Edhe në vitin 2019 kemi pasur media të lira, por që asnjëherë ky refuzim ska përbërë lajm! E qe besa as deputeten Time Kadrijaj nuk e kemi parë të protestojë në Kuvend”, shkroi Peci.
Fahrije Hoti që drejton këtë biznes i ka quajtur shpifje deklarimet e ministrit Peci dhe ka thënë se po bëhet përpjekje për politizim të kësaj çështje.
Ajo ka thirrur konferencë për media për ditën e hënë më 25 nëntor.
Fahrije Hoti thërret konferencë “për të demantuar” ministrin Peci
