Për kryeministrin në detyrë, Albin Kurti fitorja e kandidatit të tij për kryetar të Mitrovicës së Jugut është e një rëndësie të veçantë.
Këtë e ka thënë vet kandidati i LVV-së për kryetar të kësaj komune, Faton Peci.
Ai thotë se këtë gjë ia ka thënë vet Kurti në disa raste.
Peci në emisionin “Këndi i Debatit” në Tëvë1 duke folur për veprimet që ka bërë Qeveria Kurti2 në veri të Mitrovicës, thirrja e Kurtit është që “ashtu si qytetarët e votuan në zgjedhjet e 9 shkurtit, ta votojnë Pecin më 12 tetor”.
“Për kryeministrin Albin Kurti, ma ka thënë disa herë, është e një rëndësie të veçantë fitorja në Mitrovicë të Jugut. Arsyeja është e thjesht, rezultati i Qeverisë Kurti 2 lidhet me pjesën veriore. Akteri kyç, që e ka realizuar dhe mundësuar në Mitrovicë që ne mos me pasë barrikada, mos me pasë tabela të Serbisë, mos me pasë referendum e zgjedhje të Serbisë, laborator të drogës, që mos me pasë dinarin në veri dhe vendet tjera, me lëvizë lirshëm dhe me i kthyer pronat, me hap biznese. Albin Kurti, me gjithë këto rezultate po thotë, ‘gjithë ata që më kanë votuar mu më 9 shkurt, ju lus ta votoni Faton Pecin, kandidat për kryetar të Mitrovicës së Jugut”, ka thënë Peci.
